Be wafai se pareshan bhi ho jatey hain
Narm jhonkey kabhi toofaan bhi ho jatey hain

Hum ne mehboob jo badla to ta’ajub kesa
Log kafir se musalman bhi ho jatey hain

You’n to ik dard ka rishta hai zamaney bhar se
Log kuch zeest ka unwan bhi ho jatey hain

Shehr bhar ko main muhabbat to sikha du’n lakin
Khud tarashey huey bhagwan bhi ho jatey hain

Hum to purkho’n ki riwayat ko nibhaney ki liye
Hurmant-e-ishq pe qurban bhi ho jatey hain

Hadisa ho ya koi mojza shahi kuch ho
Rastey pyar k aasaan bhi ho jatey hain.