Ziker-e-shab-e-firaq se Wahshat Use Bhi Thi
Meri tarha kisi se mohabbat use bhi thi
sunata tha shauk se wo bhi purani khaniyaan
shaid rafaqatoon ki zaroorat use bhi thi
mujh ko bhi shauk tha naye chehroon ki deed ka
rasta badal ke chalnay ki aadat use bhi thi
kal raat dair tuk wo raha mahaw-e-guftogo
masroof main bhi kum tha faragat use bhi thi
mujh se bicher ke shaher se ghul mill gaya wo shakhsh
warna to shaher bhar se adawat use bhi thi
wo mujh se barh ke zabet ka aadi tha jee gaya
warna her ik saans qayamat use bhi thi