mai kon hoon aaya kahan sey

mai poochhta hoon is jahan sey

mai koorey mai para ek gand hoon

mai barson sey yaheen pey band hoon

mai mustaqbil hoon is watan ka

ya naasoor hoon is batan ka

jab dekhta hoon apney hum asar ko

merey qareeb sey guzartey hain jo

libaas saaf suthra sa pehen kr

apney kaandhey sey basta latka kr

mera dil khoon key rota hai aansoo

mera qusoor kya hai

mai dunya waalo sey yeh poochhta hoon

mujhey koee nahi sumajhta hai

har koee nafraton sey takta hai

kya mai insaa nahi hoon

ya phir zinda nahi hoon

agar mai hoon zinda

to phir mai kon hoon aaya kahan sey



AHSAN CHANGEZI