mai apne aap se aksr kalaam krta hun

mai apni baat ko apnay hee naam krta hun

salamti rahay mujh pr khuda ki har lamha

mai isee vaastay khud ko salaam krta hun

tawazah kijiye mehma,n kee banay khud mehma,n

phir apne vaastay khud ehtimaam krta hun

khudi ko saamnay rakh kr khudi say larhta hun

khudi phir aakay laraee tamaam krta hun

yeh meri zindgi mujh se shuru mujh hee pay khatam

ajab see baat hai ajeeb kaam krta hun

hai meri baat mai ahsan meri khudi ka zikr

khudi ko is tarhan apna ghulaam krta hun