mujhe khabr bhi nahi or tujhe pata bhi nahi
huwa hai aisa kuchh ke jese kuchh huwa hi nahi

tu meri aankhon mai sapno mai bus tu hi tu hai
or sach yeh hai ke tu ne mujhe chhuwa hi nahi

mai zinda reh nahi sakta hoon bichhar ke tujh se
halanke tu mujhe abhi talak mila hi nahi

tu be wafa hai teri be wafaaee ko kya kahun
teri is bewafaee se mujhe gila hi nahi

tere haathhon ko thhaame dair tak baaten karna
thha mere saath koee aisa silsila hi nahi

yeh kaisa ishq hai ahsan yeh kaisa afsana
kisi adeeb ne jo ab talak likha hi nahi


POET - AHSAN CHANGEZI