hay kon zamanay ka
kis ka ye zamana hay

apni tu umer sari
lafzon ka fasana hay

hay waqt usi ka ye
jis ne issey jana hay

taqdeer yahan apni
hathon sey banana hay

ho jitna kathin rasta
brrhtay hi jana hay

menzil pe tmhian apni
percham lehrana hay

apnon main prayon main
nefrat ko mitana hay

her dil main umangon ki
shamma ko jalana hay

hay kitna haseen jivan
tumhain sb ko batana hay

ye pegham muhabbat ka
dunya main phelana hay

hay waqt usi ka ye
us ka hi zamana hay

jis ne umer sari
ye ferz nibhana hay