Bari Pur Sakoon Thi Zindagi,
Naya Dard Kis Ne Jaga Diya,

Kisi Be Niaz Nigah Ne,
Meri Wehshaton Ko Barha Diya,

Mere Kam Sukhan Ka Ye Hukam Tha,
Ke Kalaam Us Se Main Kam Karon,

Mere Hont Aisay Silay Ke Phir,
Meri Chup Ne Usko Rula Diya,

Mujhe Apni Ishq Pe Naaz Tha,
Magar Us Ke Qoul Ka Pass Tha,

Mere Chaara Saaz Bhi Ro Paray,
Wo Kamal Zabt Dikha Diya,

Usay Shair Sunany Ka Zouk Tha,
Mujhe Arz-e-Haal Ka Shouk Tha,

Isi Zouk-o-Shouk Mein Ek Din,
Usay Dil Ka Haal Suna Diya..!
 
                                          S oM E 1 !