Mumkin hai chasm e num ko sitara na kar sako,

Mumkin hai tum bhi koi ishara na kar sako.

Mumkin hai merey baghair bhi bita lo ye zindagi,

Mumkin hai apney sath bhi guzara na kar sako.

Mumkin hai zehar de k ata kar do zindage,

Mumkin hai yeh karam dubara na kar sako.

Mumkin hai mera hukam bhi tum ko qabul ho,

Mumkin hai iltija bhi gawara na kar sako.

Mumkin hai do qadam per badal jao rasta,

Mumkin hai umer bhar kinara na kar sako.