maujo.n kaa aks hai Khat-e-jaam-e-sharaab me.n 
yaa Khuun uchhal rahaa hai rag-e-maahataab me.n 

vo maut hai ki kahate hai.n jisako sukuun sab 
vo ai_n zindagii hai jo hai iztaraab me.n 

dozaKh bhii ek jalvaa-e-firdaus se husn hai 
jo is se beKhabar hai.n vahii hai.n azaab me.n 

us din bhii merii ruuh thii mahv-e-nishaat-e-diid 
muusaa ulajh gae the savaal-o-javaab me.n 

mai.n iztaraab-e-shauq kahuu.N yaa jamaal-e-dost 
ik barq hai jo kau.ndh rahii hai naqaab me.n