vo baat baat pe jii bhar ke bolane vaalaa 
ulajh ke rah gayaa, Dorii ko kholane vaalaa 

lo saare shahar ke patthar sameT laaye ham 
kahaa.N hai ham ko shab-o-roz tolane vaalaa 

hamaaraa dil to samandar thaa us ne dekh liyaa 
bahut udaas huaa zahar gholane vaalaa 

kisii kii mauj-e-ravaa.N se khaa gayaa kyaa maat 
vo ek nazar me.n dilo.n ko TaTolane vaalaa 

vo aaj phir yahii doharaa ke chal diyaa 'Bani'
mai.n bhuul ke nahii.n ab tujh se bolane valaa