aataa hai kis andaaz se tuk naaz to dekho
kis dhaj se qadam pa.Dataa hai andaaz to dekho

karataa huu.N mai.n duz_diidaa nazar gar kabhii us par
nazaro.n me.n paraKh le hai nazar_baaz to dekho

[duz_diidaa nazar = sly/stealthy glance]

mai.n kanguraa-e-arsh se par maar ke guzaraa
allaah re rasaa_ii merii paravaaz to dekho

[kanguraa-e-arsh = roof of the seventh heaven]
[rasaa_ii = reach; paravaaz = flight]

ab_tar hai ye diivaa.N miyaa.N 'Mussahfi' saaraa
anjaam ko kyaa kahate ho aaGaaz to dekho

[ab_tar = scattered; divaa.N = collection of verses]
[anjaam = result/end; aaGaaz = beginning/start]