ye kare.n yaa vo kare.n aisaa kare.n vaisaa kare.n 
zindagii do din kii hai do din me.n ham kyaa kyaa kare.n 

jii me.n aataa hai ki de.n parde se parde kaa javaab 
ham se vo pardaa kare.n duniyaa se ham pardaa kare.n 

sun rahaa huu.N kuchh luTere aa gaye hai.n shahar me.n 
aap jaldii band apane ghar kaa daravaazaa kare.n 

is puraanii bevafaa duniyaa kaa ronaa kab talak 
aa_iiye mil-jhul ke ik duniyaa na_ii paidaa kare.n