dil me.n ab dard-e-muhabbat ke sivaa kuchh bhii nahii.n
zindagii merii ibaadat ke sivaa kuchh bhii nahii.n

mai.n terii barah-gah-e-naaz me.n kyaa pesh karuu.N
merii jholii me.n muhabbat ke sivaa kuchh bhii nahii.n

ae Khudaa mujhase naa le mere gunaaho.n kaa hisaab
mere paas ashq-e-nadaamat ke sivaa kuchh bhii nahii.n

vo to miT kar mujh ko mil hii gayii raahat varanaa
zindagii ranj-o-musiibat ke sivaa kuchh bhii nahii.n