sang jab aa_iinaa dikhaataa hai 
teshaa kyaa kyaa nazar churaataa hai

sil_silaa pyaas kaa bataataa hai 
pyaas dariyaa kahaa.N bujhaataa hai

raig-zaro.n me.n jaise tapatii dhuup 
yuu.N bhii us kaa Khayaal aataa hai

sun rahaa huu.N Khiraam-e-umr kii chaap 
aks aavaaz banataa jaataa hai

vo bhii kyaa shaKhs hai ke paas aa kar 
faasale duur tak bichhaataa hai

ghar to aisaa kahaa.N thaa lekin 
dar-badar hai.n to yaad aataa hai